تــنــحط على الجـرح يبرى <<< قصة رووووعة

اذهب الى الأسفل

تــنــحط على الجـرح يبرى <<< قصة رووووعة

مُساهمة من طرف esohandsome في الجمعة أبريل 25 2008, 03:19

احم احم

سلاااااااااااااااااااااااااامز
هذي قصة روووعه وجديده وانشالله تعجبكم وتابعون معاي .....

للكاتبة(M@@re) ..........


الجزء الأول (الفصل الاول):

خالد(بصرااخ):ريــــــــــــــــــــــــــــــم ريـــــــــــــــــــــــــــــــــــــــم
ريم:جاك الموت ياتارك الصلاة
امل:يمه من ذا الي يصارخ
ريم:هذا اخوي يناديني اقعدي هنا بروح اشوفه وراجعه
امل:اوكي
ونزلت ريم ....... نتكلم عن ريم شوي ..... ريم شخصيه حبوبه وامورة وغير كذا اّيه من الجمال شعر اسود لنص الظهرمسدول وعيون كأنها مسويه بأحسن مسكرة ولا دقة خشمها وفمها الصغير ولابشرتها الصافيه ولونها وجسمها كأن جسم عارضات الازياء وغير اخلاقها وخفة دمها............
خالد(معصب):سنه لاتنزلين
ريم(خايفه):هاه.. لابس
خالد:شفيك تكلمي زين
ريم:عندي صديقتي فوق
خالد:اها طيب
ريم:بغيت شي
خالد:ايه روحي جيبي لي اوراق من مكتبي تلقينها فوق المكتب داخل ملف اخضر
ريم:انشالله
وراحت تركض......
خالد:ههههههه مصرقعه ذي البنت
نتكلم شوي عن خالد ....... خالد عمره 28 وشايل مسؤوولية امه وخواته الـ3 بعد وفاة ابوه وهو صارم وعصبي وخواته يخافون منه بس مع كذا قلبه طيب وماحرمهم من شي او حسسهم بنقص الحنان وعنده شركة كبيرة يدير
فيها املاك ابوه من بعد وفاته وهو معروف بالسوق والكل يحترمه ويهابه وغير جاذبيته
وجماله وعيونه وجسمه الرياضي مفتول العضلات.......
جت ريم ومعها الاوراق وهي تلهث من الركض ......
ريم:خذ... هذي ... الاوراق
خالد:شفيك تلهثين كأن لاحقك احد
ريم:لابس لان كنت اركض
خالد:انتبهي على عمرك لاتصيرين مرجوجه وروحي لصديقتك انا طالع
ريم:اوكي
وجت تروح بس وقفت يوم سمعت خالد يناديها...
ريم:هلا
خالد:انتبهي في عمال يشتغلون قريب من المطبخ مو تتطلعين لان مافي احد بالبيت
ريم:وين امي
خالد:طلعت وخذت هديل ورنا يلا انا طالع
ريم:انشالله سلااااااام
وراحت.....
خالد وهو يطالع بالاوراق يووه نسيت اقولها تجيب الملف الثاني من الدرج خل اروح اجيبه والله يعيني على فيصل اكيد الحين ينتظرني
ريم من اول ماطلعت راحت للمطبخ وفتحت باب بقوووه لين صقع بالجدار >>>> مرجوجه هههههههه
والي كان داخل المطبخ اخترع وهي ماتدري ان في احد داخل ومانتبهت للعيون الي تلاحقها وتراقبها لانها
كانت معطيته ظهرها وتشرب ماي هو من شافها انبهر من جمالها هذي حوريه ولاانسانه مو معقوووووول
دقت عليها امل لانها تأخرت رفعت الجوال وردت وللحين ماتدري بالي يطالعها ريم:خيــــر
امل:بسم الله كليتيني قولي هلا مرحبا او الو
ريم:انشالله عمتي ياهلا وغلا ومرحبا والله نور جوالي ارتحتي
امل:أي كذا
ريم:امل اخلصي
امل:تعالي زهقت وانتي شفيك معصبه
ريم:لان كل ماابي اشرب ماي يجي شي ويعطلني
(وللحين مو داريه عن الي ذاب من رقة صوتها)
امل:مولازم تشربين ماي وعادي تعطلي
ريم:انا ريم اخت خالد الي مافي شي يعطلني اتعطل عن شرب ماي
(ومانتبهت بعد للي ابتسم من خفة دمها)
امل:الناس تقول انا بنت فلان مو اخت فلان
ريم:خخخخخ انا بقول اخت فلان مو بنت فلان عناد فيك ويلا بااي
وسكرت بدون ماتسمع ردها
ريم(وهي تكلم نفسها بصوت مسموع):ياحبي لها بس مدري ليه تتصل الغبيه وهي فوق عندي خخخخ مهبوله
والتفت عشان تطلع والا تنصدم اول مرة تقابل شخص بهالجاذبيه ولاالعيون الذباحه والعضلات المفتوله دمعت عيونها
وراحت تركض اما فيصل ظل واقف بمكانه شهالعيون المرسومه رسم ولافمها الصغير وشعرها الحرير
صراحه هذي اّيه من الجمال والاحلى اسمها ريم >>> كل ذا قزخخخخخ
بعدين طلع يوم سمع صوت خالد وشاف خالد وسوا نفسه معصب فيصل:لابدري تاركني بهالحر>> عليك كذب
خالد:والله اسف يابو الشباب بس نسيت ملف رحت اجيبه
فيصل:ماعلينا يلا نمشي
خالد:يلا
ريم:طلعت تركض دخلت الغرفه وقفلت الباب وخذت المفتاح >>> حشى تقول بيجيها
امل(مرتعبه):ريم شبتسوين فيني
طالعت ريم فيها وكأنها تقول شوف الغباء ريم:شبسوي فيك ولاشي بس
امل:شفيك
ريم:امل الحقيني
امل:بسم الله شفيك لايكون في مصيبه في بيتكم وجايه الشرطه اقول بطلع لايحسبوني من اهل البيت
ريم:تبين كف انتي ووجهك وين قاعدين بفلم
امل:طيب شفيك
امل:هندي ياامل
امل:ايش مافهمت
ريم(تنهدت):ولابتفهمين
امل:اقول تكلمي لاتسوينلي سعاد حسني
ريم:شدخلها
امل:طريقتك بالكلام وتنهيداتك وذي يدك الي ماسكه قلبك تقولين بفلم مصري
ريم:اففف شهالتعبير
امل:ريم تكلمي لاازنطك
ريم(باستهبال):لالاشلون تزنطيني بعدين من بقولك
امل(بصراخ):ريـــــــــــــــــم
ريم:وجع شهالصراخ تقول قنبله ذريه
امل:طيب خلصيني وقول
ريم:اعدل طبلتي
امل:أي طبله
ريم:طبلة اذني الي فقعتيها
امل:انا رايحه
ريم:لالا خلاص بقولك
امل:قولي لااتوطى ببطنك
ريم:خلاص بقول ..... اسمعي يوم ناداني خالد قالي اجيب له اوراق
امل:طيب
ريم:اصبري خل اكمل
امل:كملي
ريم:رحت جبت له الاوراق وهو حذرني من عمال يشتغلون قريب من المطبخ بعدين راح انا رحت بشرب ماي
امل:شافوك العمال وجايين يذبحونك لانك جيتي لهم بالمطبخ وانتي ركضتي فوق وعشان كذا قفلتي الباب بالمفتاح
ريم:لااااااااااااا
امل:هاه اجل
ريم:وجعاه خليني اكمل
امل:ليه غير كذا
ريم:اييييه اسكتي بكمل
امل:اوكي
ريم:رحت للمطبخ بشرب ماي وانا مادريت انه فيه احد ويوم جيت بطلع التفت شفت احلا الخلق شفت
اجمل العيون عيونه ذباحه ورووعه بس انه هندي
امل:يعني هذا الي شفتيه هندي
ريم:ايه بس يهبببل رووووعه ماتوقعت في هندي كذا يجنننننن
امل:من جدك حبيتي هندي
ريم:انا ماحبيته اعجبت بشكله
امل:ولو يظل هندي سكتت شوي بعدين انفجرت من الضحك
ريم:وجع شفيك تضحكين
امل:هههههههههههههههههه اتخيل شكلك متزوجه هندي هههههههههههههههه
ريم(عصبت):لا والله مالت على الي يقولك شي
امل:افا زعلت امزح معك خلاص سحبت كلمتي
ريم:بس لو تشوفينه رووووعه ولاعضلاته المفتوله شي رهييييييييب >>> حشى مسرع ماسرقت ملامح الولد
امل:لاحبيبتي اكيد(شاروخان) احلا >>>>>> ممثل هندي
ريم:لا ذا احلا وانا شدراني عن شاروخان انا مو متابعه افلام هنديه مثلك
امل:على الاقل مو الاجانب وععع
ريم:كل واحد وذوقه
امل:قلتيها كلن وذوقه
ريم:لاماقلت كذا
امل:الا قلتي كل واحد وذوقه
ريم:أي قلت كل واحد وذوقه بس ماقلت كلن وذوقه
امل:الصراحه ودي اقوم اتوطى ببطنك
ريم:هذاني قدامك
امل:لابرستيجي مايسمح وعشان خالد اخوك يذبحني
ريم:لا مو للدرجه يذبحك ومدري ليه تخافين منه ترى هو طيب وحبوب
امل:مدري اخاف منه احسه عصبي وصارم مررعب
قطع كلامهم الجرس الي دق....
ريم:جت امي
امل:انا بروح
ريم:تو بدري
امل:لاامي ماتبيني اتاخر
ريم:طيب
امل:ريم بقولك شلون عرفتي انه هندي
ريم:لان اخوي قال في عمال يشتغلون عند المطبخ وهو كان عند المطبخ وماسك كيس يمكن فيه العده
وانتبهت لعمال جايين للمطبخ فاكيد منهم ولا شمدخله بيتنا بس تصديقين جماله سعودي ولالبسه لابس بلوزة
ماسكه على الجسم وبنطلون جينز روووعه
امل:يمكن يطلع سعودي
ريم:يــــــــــــارب
امل:ليه
ريم:عشان يجي ويخطبني
امل:ههههههههه مرجوجه يلا بروح باي
ريم:بايات
نتكلم عن امل.... امل بنت ماتختلف عن ريم طيوبه وحبوبه وتموووووت على متابعة الافلام الهنديه وجمالها
جمال ناعم وهادي وعيونها الناعسه وجمالها جمال اسباني حلووو وجسمها بعد روووووعه مناسب لها....

انتهى الفصل الاول من الجزء الاول من القصه واتمني اشوف اّرائكم وتعليقاتكم عليها ...........

حطيت جزء قصير عشان اذا متابعين اكمل واذا لا >> مايبيلها مااكمل خخخخخخ

حبي:
سكون
avatar
esohandsome
الجــامدين اخر حاجة
الجــامدين اخر حاجة

عدد الرسائل : 191
العمر : 28
الموقع : www.masrawy.com
العمل/الترفيه : football
المزاج : not bad
الاوسمة :
تاريخ التسجيل : 05/04/2008

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى