ضاع الوفا.........................

.. ولا ظنك توادعني ...
تقول أرحل .. أقول إبقى ...
ولا ظنك بتسمعني ...
فمان الله يا راحل ... ولكن لا تقاطعني ...
أنا وش ذنب سويته ؟...
سؤال كثير شاغلني ...
أنا أخطيت في حقك ؟ .. إذا أخطيت سامحني ...
وش اللي غيرك قـُـلـَّـي .. وش الأسباب يا خلي ...
إذا أخطيت وضحلي .. خطايه .. إن كنت أنا مخطي ...
وضحلي .. وش ذنوبي .. وش عيوبي ...
ولكن لا توادعني .. بليا أسباب قاطعني ..........,

*************************

وداع الجرح .. ياهاجر ...
فمان الله .. يا مغادر ...
بأصبِّـر جرحي النازف .. وأداوي قلبي بالنسيان ...
ولو طال الزمن عارف .. جزايه منك أنا النكران ...
أنا اللي فتحت لك قلبي .. وهمَّـك صار هو همي ...
ورجيت الله يا ربي .. تفرِّج كربته .. وغمي ...
وأفرح لو سعد يومك .. وأشوفك باسم ٍ فرحان ...
أجي متلهف علومك .. عسى جو الحزن ما بان ...
وأثارك كنت خادعني .. وبليا أسباب قاطعني ...

*************************

صحيح إن الوفا مفقود .. وراعي الطيب مادامي ...
ألا ليت الزمن ما يعود .. ولا أذكرك بأيامي ...
أنا الطيب .. وأستاهل .. وهذا بعض ماجاني ...
أنا اللي كنت بك مخدوع .. بتجازيني بإحساني ...
كثير اندقت أيامي .. ولا تعلمت من دقه ...
بطيبة روحي وأوهامي .. وشيمة قلبي وصدقه ...
نسيت إنك بتجرحني .. وتناسيت الجفى منك ...
أقول أنسى .. وتطعني ... بكذبه بيَّنت سنك ...
تعيشني الوهم دايم .. وتبرهن لي بإخلاصك ...
وأثارك كنت خادعني .. وبليا أسباب قاطعني ...

*************************
واليوم إرحل ما أبيك .. ولا تذكر اللي بيننا ...
كنت الخوي وأنا أشتريك .. واليوم بايع ودنا ...
أرجوك إنساني وروح .. لا تعيد ماضينا الحزين ...
قلبي أبتلى بكثر الجروح .. مابي أنا ودَّ ك يبين..
أنا نسيتك ما أبيك .. بعت الوفا وما أشتريك ...
وش لي بود مزيفٍ .. وش لي بكذب مزخرفٍ ...
إرحل ولا ترجع يا صاح .. يكفي الجفى .. يكفي اللي راح ...
أرجوك لا ترجع ابد .....
ياللأسف .. ضاع الوفا فيذا الزمان ...
ياللأسف .. غطى الجفى كل المكان ...
ياللأسف .. يا للأسف ......................ـا
&&&&&&&&&&&&&&&&
مشتكي الآهات

ابيات زى السكر وجميلة جدا ولكن اين الوفاء فى زمن ضاعت فيه كل المعانى والقيم الجميلة ولا يوجد غير الغدر ومن من من الاقارب قبل الغرباء