جرحني.................................

جرحني

جرحني الليل والنسمه .. وجرحني وقتي الغادر ....
وتذكرت الهوى وإسمه .. وشقاي بأمسي وباكر ....
ألا يا عمري الضايع ....
ألا يا قلبي المكبوت ....
شريتك ليه لي بايع ....
أناديك إنجرح هالصوت ....
تعال الحال بعدك حال ....
تعال الصبر بي قد طال ....
جرحني الليل يا ليلي .. أون .. وأجر بالموال .....
جرحني وقتي الغادر ............,

**********

كفاني ما جرى منك ....
جفا وصدود يا هاجر ....
إذا بتزيد في جرحي ....
ترى والله مو قادر ....
نقشت الجرح في قلبي .. وبخلت بعطفك وطبي ....
وضعت بشرقي وغربي .. ضايع في سما النسيان ....
نسيت إني أنا إنسان ....
أحس وأشعر .. ولي وجدان ....
والاَّ سالفه يا فلان ....
طوتها حقبة الأزمان .....
جرحني الليل يا ليلي .. أون .. وأجر بالموال .....
جرحني وقتي الغادر ............,

**********

أنا إنسان بالظاهر ....
وبالخافي بعد إنسان ....
وإذا الخافي مهو ظاهر ....
ترى الظاهر يكون إنسان ....
شعوري فوق ما تعرف .. عطوف .. وبعد مرهف حس ....
حنون بقلبي المرهف .. صدوق بيَّه عزة نفس ....
إذا حبيت ما أجامل .. ولا أكتم أحاسيسي ....
ولا اكبح شوقي الجامح .. ولا أضيع بهواجيسي ....
جرحني الليل يا ليلي .. أون .. وأجر بالموال .....
جرحني وقتي الغادر ............,

**********

يا ليلي ليه هو غادر .. وأنا اللي فيه همت بشوق ....
غدربي بطلعة الباكر .. وأنا بالقلب شلته فوق ....
جزاي إني عطيته القلب .. يتلذذ عذاباتي ....
جزاي إني وهبته حب .. يتنوع مراراتي ....
جرحني .. ليش أنا أحبه ....
ولكن قلبي وش ذنبه ....
ذنبه أنه تـهـيـَّــم به ....
يا ليته ما تـهـيـَّــم به ....
يا ليت الحب ما حبيت .. ولا مرتني طيوفه ....
أنا بالحب ما تهنيت .. جرحني بحدة سيوفه ....
جرحني الليل يا ليلي .. أون .. وأجر بالموال .....
جرحني وقتي الغادر ,,,,,,,,,,,,,